10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Օպերայի հարակից տարածքի կանաչապատման ծրագիրը կոնկրետ սրճարանատերերի դեմ ուղղված չէ․ քաղաքապետ. ՏԵՍԱՆՅՈՒԹ
Հասարակություն
15.01.2019 | 12:39
Հայկ Մարությանը վստահեցնում է, որ օպերայի հարակից տարածքի կանաչապատման ծրագիրը կոնկրետ սրճարանատերերի դեմ ուղղված չէ: Հունվարի 15-ին լրագրողների հետ զրույցում Երևանի քաղաքապետն այս մասին ասաց՝ պատասխանելով հարցին, թե լուրեր են պտտվում, որ դա արվում է, որպեսզի «Ջազվե» և «Ռիչ» սրճարանները քանդվեն:
«Համաձայն չեմ այդ պնդման հետ, նման միտում չկա ընդհանրապես: Հայաստանում ոչ մի գործողություն չի արվում ինչ-որ մեկի դեմ կամ ինչ-որ կազմակերպության դեմ, եթե այդ կազմակերպությունը գործում է օրենքի սահմաններում»,- հայտարարեց քաղաքապետը:
Նա նշեց, որ բոլորին է հայտնի օպերայի հարակից կանաչ տարածքներում սրճարանների առկայության մասին երևանցիների կարծիքը. «Վերջապես եկել է մի իշխանություն, որի ձեռքերն ազատ են, և նա կարողանում է իրագործել երևանցիների ցանկությունը»:
Մանրամասները՝ տեսանյութում
