16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մինչև մանդատները ստանալու օրը ԲՀԿ-ում կողմնորոշված չէին՝ իրենք ընդդիմադիր են լինելո՞ւ, թե՞ ոչ․ Գևորգ Գորգիսյան․ ՏԵՍԱՆՅՈՒԹ
Քաղաքականություն
14.01.2019 | 18:56
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանը ԱԺ ընդդիմադիր խոսնակի թեկնածուի պաշտոնում իրենց խմբակցության թեկնածուին՝ Մանե Թանդիլյանին ներկայացնելիս գերադասենց նրա մասին շատ բան չպատմել:
«Նա իր ողջ քաղաքական գործունեության ընթացքում ցույց է տվել իր բոլոր առավելությունները, խնդրին պրոֆեսիոնալ մոտենալու և հաջողությունների հասնելու իր կարողությունները»,- ասաց Գևորգ Գորգիսյանը։
Անդրադառնալով այդ պաշտոնի համար առաջադրված ԲՀԿ-ական թեկնածու Վահե Էնֆիաջյանի վերաբերյալ խորհրդարանական մեծամասնության դիրքորոշմանը, Գևորգ Գորգիսյանը նշեց, որ դեռևս որևէ խոսք իշխող մեծամասնությունը չի ասել այս թեկնածուի մասին:
«Կարևոր պաշտոն է, որը պատրաստվում են պատվիրակել անձի և խորհրդարանական մեծամասնությունը չի հետաքրքրվում այդ անձի քաղաքական որակներով, ինչը ճիշտ քաղաքական մոտեցում չէ»,-ասաց նա։
Գևորգ Գորգիսյանը ներկաներին հիշեցրեց նաև․ «Մինչև մանդատները ստանալու օրը ԲՀԿ-ում կողմնորոշված չէին՝ իրենք ընդդիմադիր են լինելո՞ւ, թե՞ ոչ»։
Մանրամասները՝ տեսանյութում։
