Հասարակություն
14.01.2019 | 14:11
Գեներալ Մանվել Գրիգորյանի գործով նախագահող դատավոր Արսեն Նիկողոսյանին ինքնաբացարկի միջնորդություն են ներկայացրել։ Այս մասին մեր հարցին ի պատասխան ասաց գործով դատախազ Վահե Դոլմազյանը։ Սակայն նա չցանկացավ նշել, թե ինքնաբացարկի միջնորդություն որ կողմն է ներկայացրել։
Գրիգորյանի պաշտպանները ևս չմեկնաբանեցին։ Պաշտպաններից միայն Լևոն Բաղդասարյանն ասաց, որ նիստը ընդմիջվել է։ Ամենայն հավանականությամբ, դատավորը հեռացել է խորհրդակցական սենյակ՝ միջնորդության վերաբերյալ որոշում կայացնելու։
Նշենք, որ Վերաքննիչը քննում էր Դատախազության բերած բողոքը Առաջին ատյանի դատարանի որոշման դեմ, ըստ այդ որոշման՝ Գրիգորյանը 25 միլիոն դրամով ազատ էր արձակվել։
