16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Լուսավոր Հայաստան» խմբակցությունը կողմ կքվեարկի Արարատ Միրզոյանի թեկնածությանը, բայց կառաջադրի փոխնախագահի իր թեկնածուին․ ՏԵՍԱՆՅՈՒԹ
Քաղաքականություն
14.01.2019 | 13:21
«Լուսավոր Հայաստան» կուսակցության նախագահ էդմոն Մարուքյանն Ազգային ժողովի նախագահի թեկնածուի վերաբերյալ իր ելույթն սկսեց պատգամավորներին շնորհավորելով։
«Քիչ առաջ ՀՀ նախագահը հրամանագիր ստորագրեց և վարչապետի պաշտոնում նշանակեց Նիկոլ Փաշինյանին, որի կապակցությամբ շնորհավորում եմ պարոն Փաշինյանին և նաև մեր գործընկերներին»,- ասաց պատգամավորը։
Խոսելով Ազգային ժողովի նախագահի թեկնածու չառաջադրելու իրենց խմբակցության պատճառների մասին՝ էդմոն Մարուքյանը նշեց, որ իրենք որոշեցին թեկնածու չառաջադրել, քանի որ խնդիր չունեն իրենց ձայնը չտալու քաղաքական մեծամասնության ղեկավարին և կարող են նաև դեբատներ կազմակերպել ԱԺ-ում իրենց հարցադրումների միջոցով։
Էդմոն Մարուքյանը նշեց, որ «Լուսավոր Հայաստան» խմբակցությունը կողմ կքվեարկի Արարատ Միրզոյանի թեկնածությանը, բայց կառաջադրի փոխնախագահի իր թեկնածուին, սակայն ընդգծեց, որ իրենց քվեն Արարատ Միրզոյանին տալիս են կրեդիտով:
«Սա նաև կրեդիտ է, որը որպես ԱԺ նախագահ պետք է վաստակել: Մենք Ձեզ ընտրում ենք ԱԺ նախագահ, բայց չգիտենք, թե ինչպիսի նախագահ եք Դուք լինելու»,- ասաց Էդմոն Մարուքյանը։
Մանրամասները՝ տեսանյութում։
