12.10.2026 | 16:26
«Լիդիան Արմենիան» երկու բնապահպան իրավապաշտպաններից 6-ական մլն դրամ է պահանջում․ միջազգային կառույցների ահազանգը
Ներկա իշխանություններն ուզում են ժառանգել այդ ծանր բեռը․ Տիգրան Հեքեքյանը՝ Արամի 23-ի խնդրի մասին. ՏԵՍԱՆՅՈՒԹ
Հասարակություն
14.01.2019 | 13:20
«Հայաստանի փոքրիկ երգիչներ»-ի ղեկավար Տիգրան Հեքեքյանը վստահեցնում է, որ Արամի 23 հասցեում գտնվող շենքը, որտեղ գործում է իր ղեկավարած երգչախումբը, ամրագույն շենք է, և մինչև 2018 թվականի մայիս-հունիսն այն կանգուն էր:
«Դա կարող է փաստել Մշակույթի նախարարությունը, որը մշտադիտարկում է կատարել: Մենք որևէ մեխ չենք մեխել, ինչ էլ արել ենք, նախապես համաձայնեցրել ենք: Շենքը կայուն է, և եթե փոսորակը փորեին ճիշտ, գրագետ, այդ շենքին ոչինչ չէր լինի»,- նշեց Տիգրան Հեքեքյանը՝ անդրադառնալով հուշարձան շենքի վնասվելուն:
Նա հայտարարեց, որ հուշարձանային այս շենքի հետ կապված իրավիճակի մեղավորը նախորդ իշխանություններն են. «Բայց ապշում ես, որ ներկա իշխանությունները ուզում են ժառանգել այդ ծանր բեռն իրենց ուսերին»:
Դիտարկմանը, թե Երևանի գլխավոր ճարտարապետ Արթուր Մեսչյանը հանձնարարել է ամրացնել այն, ինչո՞ւ չի գնում հարցնում՝ ի՞նչ եղավ, Հեքեքյանը պնդեց, որ իր հետ ոչ ոք չի ուզում հանդիպել: «Որովհետև հարմար չի: Ոչ ոք չի հանդիպում, մենք միայն գրավոր ենք հաղորդակցվում: Մուկն ու կատու ենք խաղում»,- հավելեց նա:
Մանրամասները՝ տեսանյութում:
