Արարատ Միրզոյանը՝ ԱԺ նախագահի թեկնածու․ նրա կենսագրությունը խորհրդականներին ներկայացրեց Լիլիթ Մակունցը․ ՏԵՍԱՆՅՈՒԹ

7-րդ գումարման Ազգային ժողովի նախագահի պաշտոնում խորհրդարանի ամենամեծ խմբակցությունը՝ «Իմ քայլը», առաջադրեց Արարատ Միրզոյանի թեկնածությունը։

Թեկնածուի կենսագրությունն  ու անցած աշխատանքային ուղին ներկայացրեց խմբակցության պատգամավոր Լիլիթ Մակունցը։

ԱԺ նախագահի ընտրությունից առաջ հայտարարվեց 30 րոպեով ընդմիջում։

Ներկայացնենք կենսագրությունը ամբողջությամբ:

Արարատ Միրզոյանի կենսագրությունը՝ ստորև․

Ծնվել է 1979թ. նոյեմբերի 23-ին Երևանում։
2000թ. ավարտել է ԵՊՀ պատմության ֆակուլտետի արվեստի բաժինը:
2002թ.՝ նույն ֆակուլտետի մագիստրատուրան: Պատմաբան:
2004թ.՝ ՀՀ պետական կառավարման ակադեմիան։ Պետական ծառայող, պետական կառավարման և տեղական ինքնակառավարման մասնագետ:
2005թ.՝ ՀՀ ԳԱԱ ասպիրանտուրան: Պատմական գիտությունների թեկնածու։
2003-2005թթ. եղել է ՀՀ ԳԱԱ Հայոց ցեղասպանության թանգարան-ինստիտուտի կրտսեր գիտաշխատող,
2005-2007թթ.՝ Հայաստանի ազգային արխիվի հասարակական-քաղաքական փաստաթղթերի բաժնի գլխավոր արխիվագետ։
2007-2010թթ.՝ «Էյչ-Էս-Բի-ՍԻ Բանկ Հայաստան» ՓԲԸ մասնագետ:
2011-2012թթ.՝ «Ռեգնում» միջազգային լրատվական գործակալության վերլուծաբան:
2012-2013թթ.՝ Ընտրական համակարգերի միջազգային հիմնադրամի (IFES) ընտրողների իրազեկման ծրագրի համակարգող,
2012թ. (հոկտեմբեր)-2013թ. (փետրվար) դասավանդել է ԵՊՀ-ում:
2013-2015թթ. եղել է «Հայաստանի զարգացման նախաձեռնություններ» (IDEA) հիմնադրամի «Ավրորա մրցանակ և 100 կյանք» նախաձեռնության հետազոտական խմբի ղեկավար,
2014-2017թթ.` Բազմակուսակցական ժողովրդավարության նիդեռլանդական ինստիտուտի (NIMD) քաղաքական կուսակցությունների և ռազմավարական պլանավորման փորձագետ:
«Քաղաքացիական պայմանագիր» կուսակցության հիմնադիր անդամ է, 2016թ.՝ կուսակցության վարչության անդամ:
2017թ. ապրիլի 2-ին ԱԺ պատգամավոր է ընտրվել «Ելք» կուսակցությունների դաշինքի թիվ 3 ընտրատարածքի տարածքային ընտրական ցուցակով:
2018 թ. մայիսի 11-ին նշանակվել է ՀՀ առաջին փոխվարչապետ:
Պարգևատրվել է ՀՀ ՊՆ պատվոգրով (2016թ.):
Հեղինակ է հայաստանյան և միջազգային մամուլում տպագրված բազմաթիվ վերլուծությունների:
Ամուսնացած է, ունի երկու զավակ։

Մանրամասները՝ տեսանյութում։