16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Բաքուն չպետք է խոչընդոտի ՌԴ հայազգի քաղաքացիների մուտքն Ադրբեջան. Զախարովա
Քաղաքականություն
11.01.2019 | 15:59
Մոսկվան հույս ունի, որ Բաքուն կհրաժարվի էթնիկ հողի վրա ՌԴ քաղաքացիների, մասնավորապես՝ ազգությամբ հայերի նկատմամբ խտրական վերաբերմունքից, և չի խոչընդոտի Ադրբեջան նրանց մուտքը: Հունվարի 11-ին տեղի ունեցած ճեպազրույցում այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան. հաղորդում է tass.ru-ն:
Նա մատնանշել է, մասնավորապես, սոցցանցերում բազմաթիվ հրապարակումները: «Եթե խոսենք վիճակագրության մասին, ապա անցյալ տարի մեզ հայտնի է դարձել առնվազն 16 դեպքի մասին, երբ էթնիկ պատկանելության պատճառով ՌԴ քաղաքացիների մուտքն Ադրբեջան արգելվել է: Ընդ որում, նրանց երկար ժամանակ պահել են օդանավակայանում, իսկ հետո հարկադրաբար արտաքսել երկրից՝ առանց պաշտոնական պատճառներ նշելու»,- ասել է Զախարովան:
Նրա խոսքով՝ նման դեպքերը, ցավոք, արդեն վատ և սխալ ավանդույթ են դառնում, և ՌԴ քաղաքացիների իրավունքների կոպիտ խախտում են հանդիսանում:
«Դրանք հակասում են Բարեկամության, համագործակցության և փոխադարձ անվտանգության մասին ռուս-ադրբեջանական համաձայնագրին, առանց վիզայի ռեժիմի քաղաքացիների ուղևորությունների մասին միջկառավարական համաձայնությանը և Ռուսաստանի ու Ադրբեջանի միջև կնքված բարեկամության և ռազմավարական գործընկերոթյան մասին հռչակագրին»,- հավելել է ԱԳՆ խոսնակը:
Մարիա Զախարովան նշել է նաև, որ ռուսական կողմը «բազմիցս ադրբեջանական կողմի ուշադրությունը հրավիրել է ստեղծված իրավիճակի անընդունելիության վրա, պահանջել դադարեցնել քաղաքացիներին պահելու և արտաքսելու պրակտիկան»:
«Ադրբեջանական ղեկավարությունը մեզ վստահեցրել է, որ իրադրությունը կշտկվի, և մենք դրա հույսն ունենք»,- ամփոփել է Զախարովան:
