18.12.2025 | 23:24
ՀՀ տարածքում ավտոճանապարհները հիմնականում անցանելի են
Մանվել Գրիգորյանի գործով դատական նիստը կուղեկցվի բողոքի ակցիայով
Հասարակություն
11.01.2019 | 13:37
Մանվել Գրիգորյանին գրավով ազատ արձակելու դեմ բողոքի ակցիայի կազմակերպիչներն այսօր ակցիա էին իրականացնում Էջմիածնում։ Ցույցի մասնակիցներից տեղեկացանք, որ նրանք բողոքի ակցիան կշարունակեն ժամը 16:00-ին՝ Վերաքննիչ դատարանի դիմաց։
Բողոքի ակցիայի մասնակիցները, հիշեցնենք, պահանջում են կրկին կալանավորել Մանվել Գրիգորյանին։
Այսօր Վերաքննիչ դատարանը կքննի Դատախազության բերած բողոքը՝ Առաջին ատյանի որոշման դեմ։ Վերջինիս որոշմամբ՝ Մանվել Գրիգորյանի խափանման միջոց կալանավորումը փոփոխվել էր 25 միլիոն դրամ գրավի դիմաց։
Ստացվում է, որ դատական նիստը կուղեկցվի բողոքի ակցիայով։
Հիշեցնենք, որ Մանվել Գրիգորյանին մեղադրանք է առաջադրվել ՀՀ ՔՕ-ի 235-րդ հոդվածի 2-րդ մասի՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը մի խումբ անձանց կողմից և ՔՕ-ի 179-րդ հոդվածի 3-րդ մասի 1-ին կետով՝ խոշոր չափերի յուրացում հատկանիշներով:
