16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
2018 թ․-ին հիվանդանոց է տեղափոխվել 250 երեխա, այս թիվը 2017թ․-ի ցուցանիշից 61-ով ավելի է․ Թագուհի Ստեփանյանն ամփոփ տվյալներ է ներկայացրել․ ՏԵՍԱՆՅՈՒԹ
Քաղաքականություն
11.01.2019 | 13:18
«2018 թվականին Երևանի «Շտապօգնության» ծառայությունը սպասարկել է 247883 կանչ, որը 13210 կանչով ավելի է 2017 թ․-ից, հիվանդանոց են տեղափոխվել 54106 հիվանդ և այս թիվը 3877 ավելի է 2017 թ․-ի ցուցանիշից: Մանկական կանչերի թիվը 2018 թ․-ին կազմել է 26559, որը 2017 թ․-ից ավելի է 1820 կանչով․ հիվանդանոց է տեղափոխվել 9928 երեխա, որը 602 կանչով ավելի է 2017 թ․-ի ցուցանիշից»,- այսօր հրավիրված մամուլի ասուլիսի ժամանակ, ամփոփելով 2018 թվականին «Շտապօգնության» սպասարկած կանչերի վիճակագրությունը, ասաց «Շտապօգնություն» ՓԲԸ տնօրեն Թագուհի Ստեփանյանը՝ շեշտելով, որ կանչերի մեջ մեծ թիվ են կազմում սրտանոթային հիվանդությունները։
Անդրադառնալով տոների ընթացքում արձանագրված կանչերին՝ Թագուհի Ստեփանյանը ներկայացրեց դեկտեմբերի 31-ից մինչև հունվարի 7-ն ընկած ժամանակահատվածի վիճակագրությունը, ըստ որի՝ «Երևանի «Շտապօգնությունը» սպասարկել է 7065 կանչ, որը 496 կանչով ավելի է 2017 թ․-ից կանչերի ցուցանիշից։ Հիվանդանոց են տեղափոխվել 1336 հիվանդ, որը նույնպես ավելի է 125 դեպքով։ Մանկական կանչերի թիվը եղել է 847, ավելի 211 կանչով, իսկ հիվանդանոց է տեղափոխվել 250 երեխա, որը 61-ով ավելի է 2017 թ․-ից ցուցանիշից»։
Մանրամասները՝ տեսանյութում։
