28.09.2026 | 20:26
Ֆրանսիայում Հռոմի պապը դատապարտել է սեռական բռնությունն ու հանդիպել հոգևորականների կողմից բռնության ենթարկված զոհերին
«Էրդողանը վստահեցրել է Վաշինգտոնին, որ կպաշտպանի Սիրիայի քրդերին». ԱՄՆ պետքարտուղար
Քաղաքականություն
10.01.2019 | 16:00
ԱՄՆ պետքարտուղար Մայք Պոմպեոն Հյուսիսային Իրաքի քրդական ինքնավարության կենտրոն Էրբիլում հայտարարել է, որ Թուրքիան Վաշիգտոնին տվել է Սիրիայի քրդերին պաշտպանելու երաշխիքներ. գրում է ermenihaber-ը:
«Շատ կարևոր է, որ հնարավորինս ապահովենք այն մարդկանց պաշտպանությունը, ովքեր մեզ հետ միասին պայքարել են «Իսլամական պետություն» ահաբեկչական խմբավորման դեմ: Էրդողանը հանձն է առել դա անել: Նա էլ է այդ ամենը հասկանում»:
Միաժամանակ Մայք Պոմպեոն ընդգծել է, որ Սիրիայից ԱՄՆ զորքերի դուրսբերումը վերջնական է:
ԱՄՆ պետքարտուղարը, անդրադառնալով Սիրիայում քրդական «Ժողովրդական ինքնապաշտպանական ջոկատների» (ԺԻՋ-YPG) հետ կապված Թուրքիայի մտահոգություններին, նշել է. «Էրդողանն ասել է, որ ահաբեկիչները կենսական սպառնալիք են ներկայացնում: Ընդունում ենք, որ ահաբեկչական սպառնալիք է ուղղված Թուրքիային և այս հարցում կլինի մեր աջակցությունը Թուրքիային»:
