28.09.2026 | 16:26
Փոփոխություններ` Հայաստանի Մ-20 և Մ-21 հավաքականներում
Գագիկ Ծառուկյանն ու նրա թիկնազորի պետը չեն եկել մանդատները վերցնելու
Քաղաքականություն
10.01.2019 | 13:37
Այս պահին Ալ. Սպենդիարյանի անվան օպերայի և բալետի ազգային ակադեմիական թատրոնում ընթանում է հանդիսավոր արարողություն. 7-րդ գումարման Ազգային ժողովի պատգամավորները ստանում են մանդատները։
Մանդատը վերցնելու չի ներկայացել ԲՀԿ առաջնորդ Գագիկ Ծառուկյանը: Տեղեկությունը մեզ հետ զրույցում հաստատեց նաև Ծառուկյանի խոսնակ Իվետա Տոնոյանը: Վերջինից հետաքրքրվեցինք, թե ինչ պատճառով Գագիկ Ծառուկյանը չի եկել: Տոնոյանն ասաց, որ պատճառների մասին տեղյակ չէ։
Մանդատ վերցնելու չի եկել նաև Ծառուկյանի թիկնազորի պետ Էդուարդ Բաբայանը:
Նշենք, որ նորընտիր Ազգային Ժողովի առաջին նիստը կկայանա 2019 թվականի հունվարի 14-ին` ժամը 10:00-ին։ Նոր խորհրդարանում աշխատելու է 132 պատգամավոր, որից 88-ը` «Իմ քայլը» դաշինքից` ներառյալ ազգային փոքրամասնությունների 4 ներկայացուցիչները։
«Բարգավաճ Հայաստան» կուսակցությունն օրենսդիրում կունենա 26 պատգամավոր, իսկ 3-րդ ուժը կինի «Լուսավոր Հայաստան» կուսակցությունը՝ 18 պատգամավորով: Հավելենք, որ խորհրդարանում ամենաերիտասարդ պատգամավորը Սոնա Ղազարյանն է՝ «Իմ քայլը» դաշինքից, որը 25 տարեկան է, իսկ ամենատարեցը՝ քուրդ համայնքի ներկայացուցիչ՝ 73-ամյա Կնյազ Հասանովն է։
Հայկ Վարդանյան
