11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Լարսին այլընտրանքային ճանապարհ ունենալու եռակողմ բանակցություններ են ընթանում. Հակոբ Արշակյան. ՏԵՍԱՆՅՈՒԹ
Տնտեսություն
10.01.2019 | 12:58
Լարսին այլընտրանքային ճանապարհ ունենալու վերաբերյալ բանակցություններն ու քննարկումները շարունակվում են, այս պահին չեմ կարող այլ մեկնաբանություն անել, որպեսզի բանակցություններին վնաս չհասցնեմ, քանի որ դա առաջին հերթին եռակողմ բանակցություն է․ դա ո՛չ հայկական, ո՛չ ռուսական սահման է, դա ռուս-վրացական սահման է, և մենք բանակցում ենք որպես 3-րդ կողմ։
Այս մասին այսօր Կառավարության նիստից հետո լրագրողների հետ ճեպազրույցում ասաց Տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանը։
Նախարարի պաշտոնակատարը նշեց, որ ՌԴ-ի իր գործընկերոջ հետ մասնակցել է Ռուսաստանի սահմանային անցակետերի արդիականացման վերաբերյալ ծրագրի քննարկմանը և եկել են այն եզրահանգման, որ Լարսը պետք է ընդգրկվի այդ ծրագրում որպես կրիտիկական անցակետ։
«Լարսում տեղի է ունենալու գլոբալ արդիականացում, որն այս տարի կմեկնարկի»,- ասաց նախարարի պաշտոնակատարը։
