16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արսեն Թորոսյանը կոչ է անում հիվանդ երեխաներին դպրոց կամ մանկապարտեզ չուղարկել
Հասարակություն
09.01.2019 | 19:17
Սուր շնչառական վարակների տարածման հետ կապված՝ ՀՀ առողջապահության նախարարի պաշտոնակատար Արսեն Թորոսյանը քաղաքացիներին կոչ է անում հիվանդանալու դեպքում դիմել տեղամասային պոլիկլինիկա, իսկ հիվանդ երեխաներին դպրոց կամ մանկապարտեզ չուղարկել՝ վարակները չտարածելու համար: Այս մասին Թորոսյանը գրել է ֆեյսբուքյան պաշտոնական էջում:
«Հենց նոր խոսեցի Վրաստանի իմ գործընկեր Դավիթ Սերգեենկոյի հետ՝ կապված իրենց երկրում սուր շնչական վարակներով հիվանդացության հետ։ Նա ինձ տեղեկացրեց, որ իրավիճակը գտնվում է վերահսկողության տակ և համապատասխանում է սեզոնին։ Նաև տեղեկացրեց, որ արդեն կա հիվանդացության անկման միտում։ Մեր համապատասխան ստորաբաժանումները մշտական կապի մեջ են իրար հետ և անհրաժեշտության դեպքում ձեռնարկում են համապատասխան հակահամաճարակային միջոցառումներ:
Կոչ եմ անում հիվանդանալու դեպքում դիմել տեղամասային պոլիկլինիկա, ինչպես նաև հիվանդ երեխաներին չուղարկել մանկապարտեզ կամ դպրոց, որպեսզի նրանք կարողանան առողջանալ և չվարակել մյուսներին։ Դրանով մենք կկանխենք սուր շնչական վարակների հետագա տարածումը»,- գրել է առողջապահության նախարարի պաշտոնակատարը:
