18.05.2024 | 12:51
Ճանապարհը կառուցենք՝ անվտանգություն կլինի. Գնել Սանոսյանն այցելել է Կիրանց
Բոլոր փաստարկները ներկայացվելու են․ Արման Եղոյանը՝ «Գազպրոմ Արմենիա»-Կառավարություն բանակցությունների մասին
Տնտեսություն
09.01.2019 | 13:41
Հայաստանի կառավարությունը «Գազպրոմ Արմենիայի» հետ բանակցություններ է սկսել Հայաստանին մատակարարվող գազի գնի վերաբերյալ։
Factor.am-ի հետ զրույցում ՀՀ վարչապետի պաշտոնակատար Նիկոլ Փաշինյանի մամուլի խոսնակ Արման Եղոյանը նշեց, որ բանակցություններն այս հարցով կշարունակվեն այնքան, որքան կպահանջի դրա ընթացքը։
Հարցին՝ արդյոք այդ բանակցությունների ընթացքում «Գազպրոմ Արմենիայի» հետ ունեցած որոշ պայմանագրեր կվերանայվե՞ն, կամ արդոք սեղանին կդրվե՞ն ԱԺ Գազի և էլեկտրաէներգիայի հարցերով քննիչ հանձնաժողովի վերջին ամիսներին կատարած ուսումնասիրության արդյունքները, Արման Եղոյանը պատասխանեց․ «Բանակցությունների առարկան Հայաստանի սպառողներին մատակարարվող գազի գինն է, մեր բոլոր փաստարկներն էլ ներկայացվելու են»։
Հիշեցնենք, որ Ռուսաստանը հունվարի 1-ից թանկացրեց Հայաստանին մատակարարվող գազի գինը՝ 2019-ից 1000 խմ-ի դիմաց այն 150 դոլարից դառնում է 165 դոլար։
Ինչպես հաղորդում է «Գազպրոմ» ընկերության կայքը, այդ որոշումը կայացվել է «Գազպրոմ էքսպորտ» և «Գազպրոմ Արմենիա» ընկերությունների միջև կնքված լրացուցիչ համաձայնագրի համաձայն:
Հայաստանի համար թանկացված 15 դոլարի տարբերությունը «Գազպրոմ Արմենիան» է վճարելու, սակայն դեռ անհայտ է՝ թե որքան ժամանակ։
