28.09.2026 | 16:52
Վաղինակ Մարտիրոսյանը նշանակվել է ՀՀ ՔԿ նախագահի տեղակալ
Ավստրալիայում կասկածելի փաթեթներ են գտել մեկ տասնյակ դիվանագիտական ներկայացուցչություններում
Քաղաքականություն
09.01.2019 | 11:58
Ավստրալիայի դաշնային ոստիկանությունը լայնածավալ ստուգումներ է անցկացնում Մելբուռնում և Կանբերայում մի շարք դեսպանատների և հյուպատոսությունների շենքերում:
Իրավապահները Մեծ Բրիտանիայի, Գերմանիայի, Հունաստանի, Հնդկաստանի, Իտալիայի, Ինդոնեզիայի, Կորեայի, Պակիստանի, ԱՄՆ-ի և Շվեյցարիայի դիվանագիտական ներկայացուցչություններից կասկածելի փաթեթների մասին ահազանգ են ստացել: Այս մասին գրում է ՏԱՍՍ-ը՝ վկայակոչելով 9news-ը:
«Ոստիկանությունն ու արտակարգ ծառայությունները միջոցներ են ձեռնարկել՝ կապված Վիկտորիա նահանգում և ավստրալական մայրաքաղաքային շրջանում դեսպանություններում և հյուպատոսություններում կասկածելի փաթեթների հայտաբերման հետ: Դրանք հետազոտվում են: Բոլոր հանգամանքները պարզվում են»,- ասված է ավստրալական ոստիկանության Twitter-ի էջում հրապարակված հաղորդագրությունում:
Դիվանագիտական ներկայացուցչություններից աշխատակիցներին տարհանել են, նրանք բժշկական ստուգում են անցնում:
