04.04.2026 | 11:55
Երևանի Կենտրոն վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Էրդողանի խոսնակը 2 կարևոր փաստաթուղթ է հանձնել Բոլթոնին
Քաղաքականություն
09.01.2019 | 11:46
Թուրքիայի նախագահը հրաժարվել է հանդիպել ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ. փոխանցում է ermenihaber-ը:
Էրդողանը հայտնել էր, որ ինքը ծանր աշխատանքային գրաֆիկ ունի և Բոլթոնի հետ իր մամուլի խոսնակ Իբրահիմ Քալընը կհանդիպի:
Իբրահիմ Քալընը լրագրողների հետ հարցազրույցի ընթացքում մի քանի հայտարարություն է արել Ջոն Բոլթոնի հետ հանդիպումից հետո:
Քալընի փոխանցմամբ` Թուրքիան երկու կարևոր փաստաթուղթ է հանձնել է Բոլթոնին. «Ես երկու կարմիր փաստաթուղթ տվեցի Բոլթոնին, որից մեկում մատնանշել ենք մեր քուրդ եղբայրների նկատմամբ իրենց քաղաքականությունը, իսկ մյուսում Սիրիայում քրդական «Ժողովրդավարական միություն կուսակցության» (ԺՄԿ-PYD) և «Ժողովրդական ինքնապաշտպանական ջոկատների» (ԺԻՋ-YPG) գործած հանցանքները»:
Մամուլի խոսնակը ևս մեկ անգամ շեշտել է, որ սիրիական սահմանը պետք է մաքրվի ահաբեկչական խմբավորումներից:
Հիշեցնենք, որ Բոլթոնը նախորդ շաբաթ Իսրայելում հանդես է եկել Սիրիայում գտնվող քրդական «Ժողովրդական ինքնապաշտպանական ջոկատներին» պաշտպանող հայտարարություններով (ԺԻՋ-YPG), ինչը բողոքի ալիք էր բարձրացրել Անկարայում:
