15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Գրիպի վարակի դեպքում, առանց բժշկի նշանակման, արգելվում է երեխաներին C վիտամին տալ․ բժշկուհի
Հասարակություն
08.01.2019 | 14:20
Հայաստանում նկատվում է սուր շնչառական հիվանդությունների ակտիվացում, ուստի առաջին ախտանիշները նկատելիս լավ կլինի, որ հիվանդը մնա տանը՝ կանխելով վարակի տարածումը, իսկ հիվանդ երեխաներին առհասարակ արգելվում է ուղարկել դպրոց և մանկապարտեզ։ Այս մասին այսօր հրավիրված մամուլի ասուլիսի ժամանակ ասաց «Գրիգոր Նարեկացի» բժշկական կենտրոնի նորածնային բաժնի վարիչ, բ.գ.թ Մարի Դարակչյանը։
«Որևէ հատուկ սննդակարգ չկա, որը կօգնի կանխարգելել շնչառական հիվանդությունների զագացումը, սակայն մեծ քանակությամբ հեղուկները կարող են թեթևացնել վիճակը։ Կանխարգելման տեսանկյունից կարևոր է նաև երեխային սովորեցնել ձեռքերն օրվա ընթացքում հաճախակի լվանալ»,- ասաց նա։
Բժիշկ Դարակչյանը գրիպի տարածվածության ներկա մակարդակը համաճարակային չորակեց՝ այն համարելով վերահսկելի և կայուն․ «Եթե նման բան լիներ, նախարարության կողմից կտեղեկացվեինք»։
Խոսելով գրիպի դեմ պատվաստումների մասին՝ Մարի Դարակչյանը նշեց, որ դրանք էապես կարող են կանխել հիվանդությունը, եթե արվեն աշնան ամիսներին, իսկ արդեն գրիպով հիվանդանալու դեպքում կարևոր է, որ նրանք գտնվեն բժշկի հսկողության ներքո՝ գրիպի բարդությունների և մահացության դեպքերի կանխման համար։
Մարի Դարակչյանը խորհուրդ տվեց նաև ինքնաբուժությամբ չզբաղվել. «Առանց բժշկի նշանակման արգելվում է երեխաներին C վիտամին տալ»։
