16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Արտակ Դավթյանը՝ ադրբեջանական սահմանապահ զորքերի փոփոխության մասին
Քաղաքականություն
08.01.2019 | 13:34
Սահմանին էական փոփոխություն չկա, հրադադարի ռեժիմը հիմնականում պահպանվում է, իսկ եթե համեմատում ենք նախորդ տարիների հետ, ապա կարող ենք ասել, որ հրադադարի խախտումները նվազել են՝ կրակոցների քանակով։ Այս մասին այսօր ՀՀ ՊՆ կենտրոնական հավաքակայանում լրագրողների հետ զրույցում ասաց ՀՀ Զինված ուժերի գլխավոր շտաբի պետ Արտակ Դավթյանը:
Հարցին՝ ՀՀ սահմանի որոշ հատվածներում Ադրբեջանի բանակին փոխարինող Պետական սահմանապահ ծառայության ստորաբաժանումներն արդյոք իրավիճա՞կ են փոխել հայ-ադրբեջանական սահմանին, Արտակ Դավթյանը նշեց, որ այդ փոփոխությունը սահմանային իրավիճակի վրա որևէ ազդեցություն չի ունեցել։
«Դա Ադրբեջանի գործն էր, ինչն էլ կատարել է։ Հետագայում մենք կողջունենք, եթե լինեն բանակցություններ հայ-ադրբեջանական սահմանի որոշման և ընդհանուր ծառայության իրականացման և ընդհանրապես՝ պետական սահմանի պահպանման հարցերով։ Այս պահին մենք մեր մասով ենք իրականացնում որոշակի գործողություններ՝ առանց հայտարարելու և դրա կարիքը չկա»,- ասաց Արտակ Դավթյանը։
Աղավնի Սուքիասյան
