10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Շտապօգնությունն աշխատում է լարված և ծանրաբեռնված, օրական 850-ից ավելի կանչ է լինում. Թագուհի Ստեփանյան
03.01.2019 | 18:26
Տոնական օրերին շտապօգնությունն աշխատում է լարված և ծանրաբեռնված: Այս մասին Fctor.am-ի հետ զրույցում ասաց շտապօգնության ծառայության ղեկավար Թագուհի Ստեփանյանը:
«Այս օրերին այնքան լարված է աշխատում շտապօգնությունը, որ կանչերի թիվը 850-ն անցել է: Խոսքը յուրաքանչյուր օրվա կանչերի մասին է, այսինքն՝ ամեն օր սպասարկում ենք մինչև 850 կանչ»,- ասաց նա:
Թագուհի Ստեփանյանի խոսքով՝ կանչերը կապված են շնչառական, սիրտ-անոթային խնդիրների հետ: Երրորդ տեղում վնասվածքների հետ կապված կանչերն են:
Մեր հարցին՝ արդյոք տոների հետ կապված սննդային թունավորումների դեպքերը շա՞տ են, Թագուհի Ստեփանյանը նշեց, որ սննդային թունավորման դեպքերը, համեմատած մյուս դեպքերի հետ, այդքան էլ շատ չեն, բայց կանչեր լինում են:
Առողջապահության նախարարի պաշտոնակատար Արսեն Թորոսյանի փոխանցմամբ էլ Ծաղկաձորում շտապօգնության մեքենաների հերթապահություն է սահմանվել՝ մարդկանց թվով պայմանավորված. «Երեկ Ծաղկաձոր կատարած այցի ժամանակ տեղում բուժօգնության կազմակերպմանը ծանոթանալուց ու Կոտայքի մարզպետ Ռոմանոս Պետրոսյանի հետ խորհրդակցելուց հետո, հաշվի առնելով այցելուների մեծ թիվը, որոշեցինք ուրբաթ-շաբաթ-կիրակի օրերին Ծաղկաձորում շտապօգնության հերթապահություն սահմանել, որպեսզի բուժօգնությունը տրամադրվի առավելագույնս որակյալ և օպերատիվ»:
Հայկ Վարդանյան
