25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հայաստանը պետք է ներկայացնենք իրադարձային զբոսաշրջությամբ․ տնօրենն ամփոփում է արդյունքները․ ՏԵՍԱՆՅՈՒԹ
Քաղաքականություն
26.12.2018 | 13:05
Հայաստանի զբոսաշրջության զարգացման հիմնադրամը, լինելով պետական մարկեթինգային քաղաքականություն իրականացնող մարմին, իր հիմնական գործունեությունն իրականացնում է տեղեկատվական քաղաքականության դաշտում, ինչի հետևանքով այս տարի հիմնադրամի կայքի հասանելիությունը հասել է 700 հազարի, ֆեյսբուքյան հետևորդների թիվը՝ 62 հազարի, իսկ ինստագրամում այս հիմնադրամն ունի 41 հազար հետևորդ։ Միևնույն ժամանակ՝ խոշոր հարթակներում տարածվել են երկրի ճանաչողությանը նպաստող հոդվածներ և հրապարակումներ։
Այս մասին այսօր հրավիրված ամփոփիչ ասուլիսի ընթացքում, անդրադառնալով հիմնադրամի գործունեության 7 ամիսների աշխատանքին, ասաց հիմնադրամի տնօրեն Արա Խզմալյանը։
«Մեր երկիրը միջազգային շուկայում նախկինում ճանաչվում էր պատմամշակութային արժեքներով, սակայն մենք եկել ենք մի որոշման, որ երկիրը պետք է ներկայացնենք ոչ միայն որպես թանգարան բաց երկնքի տակ, այլ նաև ստեղծված նոր արդյունքներով, օրեցօր զարգացող իրադարձային զբոսաշրջությամբ և տարբեր փառատոներով»,- ասաց Խզմալյանը։
Վերջինս նաև նշեց, որ ի թիվ այլ արտասահմանյան հայտնի պարբերականների, հայտնի մի քանի օդանավակայանների պաշտոնական հրատարակիչ ընկերություններից մեկը հրապարակել է հոդված Հայաստանի մասին, որը տպագրվել է 10 հազար օրինակով, տարածում ունի ավելի քան 39 երկրում և ապահովում է 10 մլն հասանելիություն։
Մանրամասները՝ տեսանյութում։
