23.04.2026 | 11:17
Սամարայի վրա ուկրաինական հարձակման հետևանքով զոհ և վիրավորներ կան
ԿԸՀ խոսնակը՝ ինքնաբացարկի հնարավոր դիմումների ստացման մասին
Քաղաքականություն
25.12.2018 | 15:50
Կենտրոնական ընտրական հանձնաժողովը մինչ այս պահը ինքնաբացարկի որևէ դիմում չի ստացել: Այս մասին Factor.am-ին հայտնեց ԿԸՀ խոսնակ Հերմինե Հարությունյանն՝ անդրադառնալով արտահերթ ընտրություններին մասնակցած և խորհրդարան անցած քաղաքական ուժերի ներկայացուցիչների կողմից ինքնաբացարկի հնարավոր դիմումներին:
Քանի որ օրենքը չի սահմանում հստակ ժամկետներ ինքնաբացարկի դիմումներ ներկայացնելու համար, Կենտրոնական ընտրական հանձնաժողովի նախագահ Տիգրան Մուկուչյանն առաջարկել է քաղաքական ուժերի ներկայացուցիչներին ինքնաբացարկի դիմումները ներկայացնել մինչև դեկտեմբերի 28-ը երեկոյան 18:00-ն:
«Մինչ այս պահը Կենտրոնական ընտրական հանձնաժողովը որևէ դիմում չի ստացել»,- Factor.am-ին հայտնեց Հերմինե Հարությունյանը:
Նրա փոխանցմամբ՝ դեկտեմբերի 28-ից հետո ԿԸՀ-ն նիստ կգումարի, կգրանցի պատգամավորներին և կհայտարարվի նաև 7-րդ գումարման Ազգային ժողովի առաջին նիստի օրը:
Factor.am-ն ավելին վաղ գրել էր՝ ամենայն հավանականությամբ առաջին նիստը կգումարվի հունվարի 14-ին:
