24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ամեն ինչ ակնհայտ էր. Պեսկովը բացատրել է ԱՄՆ-ի դեմ պատասխան պատժամիջոցների կիրառման արագ արձագանքը
Քաղաքականություն
31.07.2017 | 16:31
Մոսկվան պատասխանել է ամերիկյան պատժամիջոցներին մինչև նախագահ Դոնալդ Թրամփի՝ օրինագիծը ստորագրելը, քանի որ Սենատի որոշումից հետո օրինագծի ընդունումն ավտոմատ է համարում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է Gazeta.ru-ն։
«Բանն այն է, որ երբ օրինագիծը հաստատվեց Կոնգրեսում և Սենատում, հետագայում այն ավտոմատ կերպով օրենքի ուժ կստանա, եթե անգամ նախագահ Թրամփը չստորագրի այն»,- ասել է Պեսկովը։
Պեսկովը հիշեցրել է, որ ավելի վաղ Վաշինգտոնը հայտարարել էր, որ եթե նույնիսկ Թրամփը պատժամիջոցների օրինագծի հետ կապված նկատողություններ ունենա, ապա դրանք կվերաբերեն դրանց խստացմանը։
«Եվ այդ պատճառով, ըստ էության, սպասելու կարիք չկար, ամեն ինչ ակնհայտ էր»,-ասել է նա։
Հիշեցնենք, որ հուլիսի 28-ին ԱՄՆ Սենատն ընդունել էր Ռուսաստանի, Իրանի և Հյուսիսային Կորեայի դեմ պատժամիջոցներ կիրառելու մասին օրենքը։ ՌԴ նախագահ Վլադիմիր Պուտինը մեղադրել էր ԱՄՆ օրենսդիրներին այն «ամբարտավանություն» որակելով: Ապա Մոսկվան առաջարկել էր մինչև սեպտեմբեր կրճատել Ռուսաստանում ԱՄՆ դիվանագետների թիվը:
