23.04.2026 | 11:17
Սամարայի վրա ուկրաինական հարձակման հետևանքով զոհ և վիրավորներ կան
Մանվել Գրիգորյանին գրավով ազատ արձակելու որոշման դեմ Դատախազության բողոքն արդեն մուտքագրվել է Վերաքննիչ դատարան
Հասարակություն
24.12.2018 | 17:58
«Մանվել Գրիգորյանի նկատմամբ այլընտրանքային խափանման միջոց կալանքը կիրառելու վերաբերյալ Ընդհանուր իրավասության առաջին ատյանի դատարանի որոշման դեմ ՀՀ դատախազությունը վերաքննիչ բողոք է տարել, որն արդեն մուտքագրվել է»,- այս մասին Factor.am-ը տեղեկացավ ՀՀ գլխավոր դատախազի խորհրդական Գոռ Աբրահամյանից:
Հիշեցնենք, որ Մանվել Գրիգորյանի խափանման միջոց կալանավորումը դեկտեմբերի 21-ին, դատարանի որոշմամբ, փոխարինվեց 25 միլիոն դրամ գրավով ազատ արձակվելով։
Նշենք, որ նրա ազատարձակումից հետո Էջմիածնում սկսվեցին բողոքի ակցիաներ՝ նրան կրկին կալանավորելու պահանջով: Այսօր նմանատիպ ակցիա տեղի ունեցավ նաև Երևանի Գլխավոր դատախազության դիմաց:
