16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Գազպրոմի 7 000 աշխատակիցները չե՞ն լքել ՀՀԿ-ն. կուսակցությունից արձագանքում են
Քաղաքականություն
21.12.2018 | 15:18
Նախկին վարչապետ, Հանրապետական կուսակցության արդեն նախկին առաջին տեղակալ Կարեն Կարապետյանի հետ մի գիշերում կուսակցությանն անդամագրվելու դիմումներ ներկայացրած 7 հազար «Գազպրոմ Արմենիայի» աշխատակիցները ՀՀԿ – ից դուրս գալու դիմում չեն ներկայացրել։ Factor.am-ի հետ զրույցում վստահեցրեց ՀՀԿ կազմակերպչական հարցերով հանձնաժողովի նախագահ Ռուբեն Թադեւոսյանը:
Հիշեցնենք՝ օրերս հայտնի դարձավ, որ Կարեն Կարապետյանը կուսակցությունից դուրս գալու դիմումն անձամբ է ներկայացրել կուսակցության գրասենյակ։ Ավելին՝ ըստ մամուլի նրա հետ միասին ՀՀԿ-ն լքել են նաև իր հետ միասին կուսակցական դարձած գազպրոմի 7 հազար աշխատակիցները։
«Մամուլում տարածված ապատեղեկատվություն է, սուտ, այդպիսի բան չկա։ Ավելին՝ կուսակցությունից մեծ արտահոսք առհասարակ չկա, հատուկենտ մարդիկ են դուրս գալու դիմում ներկայացրել», – մանրամասնեց Ռուբեն Թադևոսյանը։
Նա նաև մեզ հայտնեց, որ հունվար ամսին հաշվարկներ կանեն ու կտեղեկացնեն, թե կոնկրետ քանի մարդ է լքել կուսակցությունն այս ամիսների ընթացքում
