03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Արցախի ՊԲ խոսնակ Սենոր Հասրաթյանը կազատվի՞ աշխատանքից
Քաղաքականություն
18.12.2018 | 11:51
Արցախի Պաշտպանության բանակում սպասվում են նոր պաշտոնանկություններ։
Factor.am-ի՝ Ստեփանակերտի աղբյուրները փոխանցեցին, որ առաջիկայում աշխատանքից ազատվելու դիմում է գրելու Պաշտպանության բանակի մամուլի խոսնակ Սենոր Հասրաթյանը:
Մեր աղբյուրի փոխանցմամբ՝ Հասրաթյանին փոխարինելու է Արցախի ՊԲ տեղեկատվության և հասարակայնության հետ կապերի բաժնի պետի տեղակալ, փոխգնդապետ Սուրեն Սարումյանը:
Այս տեղեկությունների շուրջ Factor.am-ը պարզաբանում խնդրեց Սենոր Հասրաթյանից: Վերջինս ո՛չ հերքեց, ո՛չ հաստատեց, միայն ասաց. «Որ նման տեղեկություն լինի, ես անձամբ տեղյակ կպահեմ բոլորին»:
Արցախի ՊԲ տեղեկատվության և հասարակայնության հետ կապերի բաժնի պետի տեղակալ, փոխգնդապետ Սուրեն Սարումյանն էլ ասաց. «Ես ոչինչ չգիտեմ, ոչ մի կերպ չեմ կարող մեկնաբանել: Ես շարունակում եմ կատարել իմ պարտականությունները»:
Հիշեցնենք, որ մի քանի օր առաջ պաշտոնանկ էր արվել Արցախի պաշտպանության բանակի հրամանատար Լևոն Մնացականյանը: Նրան փոխարինեց Արցախի Զինված ուժերի գլխավոր շտաբի պետ Կարեն Աբրահամյանը:
Հայկ Վարդանյան
