12.10.2026 | 13:08
ԱՄՆ-ը սպառնում է արգելափակել Ուկրաինային զենքի մատակարարումը՝ ռուսական նավթավերամշակման գործարաններին հարվածների պատճառով․ FT
Իշխանությունների առաջ հնարավորության դեպքում ծռմռվող ուժը չի կարող լինել ընդդիմություն. Վարուժան Ավետիսյանը` ԼՀԿ-ի մասին. ՏԵՍԱՆՅՈՒԹ
Քաղաքականություն
12.12.2018 | 12:46
«Սասնա ծռեր» խմբի անդամ Վարուժան Ավետիսյանն այսօր լրագրողների հետ զրույցում անդրադառնալով ոստիկանների սպանության հանգամանքներին ասաց, որ Սմբատ Բարսեղյանին հանիրավի մեղսագրել են Յուրի Տեփանոսանի սպանությունը։ Իսկ հայտնի լուսանկարը ֆոտոշոփի արդյունք է։
Ավետիսյանը նշեց, որ հեղափոխությունից հետո «հանցավոր ռեժիմի» գործած սարքովի գործը շարունակվում է նույն ոճով, նույն մեղադրողներով, նույն դատավորներով. «Սա խեղկատակություն է, սա վիրավորանք ու արհամարհանք է մեր պետականությանը, մեր արժանապատվությանը, մեր ինքնիշխանությանը: Ես լավ չեմ պատկերացնում, թե այս սրիկայությունը որքան պետք է շարունակվի այս ձևով, և այդ ընտանիքներին էլ ինչքան պետք է ինչ-ինչ տեխնոլոգիաներ օգտագործելով ներքաշեն: Շատ ցավում եմ, որ մարդկանց նման վիճակի մեջ են դնում»:
Նա նաև կրկնեց միտքը, թե Հայաստանում նոր խորհրդարանական ընտրություններ պիտի կայանան, իսկ դրան դեմ հանդես եկողներին էլ հակադարձեց` «ժողովրդին պետք չի խաբել ու ինչ-որ բոբոներով վախեցնել, ընտրությունները երկիրը չեն անկայունացնում»:
Մանրամասները` տեսանյութում։
Լիլիթ Շաբոյան
