Հասարակություն
12.12.2018 | 11:21
Երևանի ընդհանուր իրավասության դատարանի Շենգավիթի նստավայրում այսօր կշարունակվի Սերժ Սարգսյանի թիկնազորի պետ Վաչագան Ղազարյանի կալանքի հարցի քննությունը: Պաշտպանական կողմը միջնորդել է Ղազարյանին գրավի դիմաց ազատ արձակել:
Գրավի չափ չեն նշել, սակայն, փաստաբանի խոսքով, նվազագույնը 500 միլիոն դրամ է, թեև դատարանը կարող է պահանջել ավելին: Մեղադրող կողմը, սակայն, պահանջում է երկարաձգել կալանքը:
Հիշեցնենք, որ երեկ գիշեր դատարանը մերժել էր Վաչագան Ղազարյանին գրավով կալանքից ազատ արձակելու՝ նրա պաշտպանների միջնորդությունը և այսօր կրկին քննվում է գրավի դիմաց ազատ արձակելու հարցը։
Հիշեցնենք, որ Վաչագան Ղազարյանը մեկ անգամ արդեն ամենախոշոր՝ 1 մլրդ դրամի չափով գրավի դիմաց ազատ էր արձակվել, այնուհետև կրկին կալանավորվել:
