12.10.2026 | 12:28
Սիրով տրամադրեցի Ձեր չվճարվող արձակուրդը․ Ռուբինյանը՝ Էդգար Ղազարյանին․ ՏԵՍԱՆՅՈՒԹ
ՀՀԿ-ն կերավ այն ճաշը, որը եփել էր, բայց դա չի նշանակում, որ ՔՊ-ն պետք է դրանից օգտվի․ Կարեն Քոչարյան․ ՏԵՍԱՆՅՈՒԹ
Քաղաքականություն
11.12.2018 | 12:42
Քաղտեխնոլոգ Կարեն Քոչարյանը համամիտ չէ այն տեսակետի հետ, որ Հայաստանում ընդդիմություն չկա, պնդում է՝ ասել, որ ԼՀԿ-ն ու ԲՀԿ-ն ընդդիմություն չեն, սխալ է, քանի որ գոնե իրավական առումով, եթե այս կամ այն ուժն իշխանություն չէ, ապա ընդդիմություն է, իսկ արտախորհրդարանական ուժերից ՀՀԿ-ն կլինի ծայրահեղ ընդդիմություն, ՀՅԴ-ն էլ Արցախի հարցում կարող է ծայրահեղ դիրքորոշումներ ունենալ։ Այս մասին այսօր հրավիրված մամուլի ասուլիսի ժամանակ ասաց քաղտեխնոլոգը՝ նշելով, որ արտահերթ խորհրդարանական ընտրությունների արդյունքներն իր համար անկանխատեսելի չէին։
Քաղտեխնոլոգն անդրադարձավ նաև իրավական համակարգի վերաբերյալ հասարակական ընկալումներին ու անհրաժեշտ փոփոխություններին և նշեց, որ թեև ՀՀԿ-ն կերավ այն ճաշը, որը եփել էր, սակայն դա չի նշանակում, որ ՔՊ-ն պետք է օգտվի դրանից։
«Պետք է փոխեն իրավական դաշտը, բոլոր գրված և չգրված օրենքները, որպեսզի արդարադատության համակարգը մի փոքր խելքի գա»,- ասաց Կ․ Քոչարյանը։
Իրավական համակարգին անդրադառնալով էլ ասուլիսին ներկա Հրանուշ Խառատյանը նշեց, որ արդարադատության համակարգում կտրուկ փոփոխություններ իրականացնելը պետք է դառանա այսօրվա իշխանության օրակարգի թիվ մեկ խնդիրը։
Մանրամասները՝ տեսանյութում։
