20.10.2026 | 17:33
Ռուբիոն Կենտրոնական Ասիայում բանակցությունների առանցքում է դրել Տրանսկասպյան առևտուրն ու կրիտիկական հանքային ռեսուրսները
«Գուստավ»-ի նախկին մենեջերը հետախուզվում է․ նրա նկատմամբ խափանման միջոց է ընտրվել կալանքը
Հասարակություն
20.10.2026 | 15:46
«Գուստավ» ռեստորանի նախկին մենեջերի նկատմամբ հանրային քրեական հետապնդում է հարուցվել կանանց սանհանգույցում տեսախցիկ դնելու և նկարահանելու համար: Այս մասին Factor.am-ին հայտնեցին Քննչական կոմիտեից:
«Անձի նկատմամբ հարուցվել է հանրային քրեական հետապնդում՝ անձնական կյանքի գաղտնիությունը խախտելու համար: Նրա նկատմամբ որպես խափանման միջոց է ընտրվել կալանքը», – այս մասին տեղեկացրեց ՔԿ մամուլի քարտուղար Կիմա Ավդալյանը՝ հավելելով, որ մենեջերը Հայաստանում չէ և հետախուզում է հայտարարվել:
Հիշեցնենք, որ որ «Գուստավ» ռեստորանի նախկին մենեջերը սանհանգույցում իր սեփական հեռախոսը գաղտնի տեղադրել է դարակում և նկարահանել այցելուներին։ Այս մասին այդպես էլ, գուցե, հայտնի չդառնար, եթե այցելու աղջիկներից մեկը պատահաբար չտեսներ այն։ Դեպքը տեղի է ունեցել հոկտեմբերի 4-ին՝ կիրակի երեկոյան:
Դեպքի հանրայնացումից հետո ռեստորանը հրապարակային արձագանքել է կանանց սանհանգույցում տեղի ունեցած միջադեպին՝ հայտնելով, որ դեպքի մասին տեղեկանալուց հետո մենեջերն ազատվել է աշխատանքից։
Անի Թամրազյան
