20.10.2026 | 15:46
«Գուստավ»-ի նախկին մենեջերը հետախուզվում է․ նրա նկատմամբ խափանման միջոց է ընտրվել կալանքը
ՄԻՊ-ը կարևորում է ներառական միջավայրի ձևավորումն ու երեխաների ինքնադրսևորման հնարավորությունների խթանումը
Հասարակություն
20.10.2026 | 13:50
Մարդու իրավունքների պաշտպանի աշխատակազմի ներկայացուցիչը մասնակցել է «Լուսէ վերականգնողական կենտրոն» հիմնադրամի կազմակերպած՝ «Միասին՝ բոլորիս ձայնով» խորագրով միջոցառմանը։ Դրա ընթացքում երեխաներն ու ծնողները մասնակցել են խմբային աշխատանքների և ներկայացրել երաժշտական համարներ։ Մարդու իրավունքների պաշտպանն ընդգծել է, որ ներառական հասարակության ձևավորման համար կարևոր է յուրաքանչյուր երեխայի ձայնը լսելի դարձնելն ու նրանց լիարժեք մասնակցության հնարավորություններ ապահովելը։
ՄԻՊ-ի հաղորդագրությունը՝ ստորև․
«Մարդու իրավունքների պաշտպանի աշխատակազմի ներկայացուցիչը մասնակցել է «Լուսէ վերականգնողական կենտրոն» հիմնադրամի նախաձեռնությամբ կազմակերպված՝ «Միասին՝ բոլորիս ձայնով»՝ հանուն յուրաքանչյուր երեխայի խորագրով միջոցառմանը։
Միջոցառման ընթացքում երեխաներն ու ծնողները ներգրավվել են տարբեր խմբային աշխատանքներում, ինչպես նաև ներկայացրել փոքրիկ երաժշտական համարներ։
Մարդու իրավունքների պաշտպանն ընդգծում է, որ երեխաների ձայնը լսելի դարձնելը և նրանց լիարժեք մասնակցության հնարավորություններն ապահովելը ներառական հասարակության ձևավորման կարևոր նախապայմաններ են։
Պաշտպանը կարևորում է ներառական միջավայրի ձևավորմանն ուղղված նախաձեռնությունների իրականացումը, ինչպես նաև երեխաների ինքնադրսևորման հնարավորությունների խթանումը»։
