20.10.2026 | 23:03
Հայաստանի մի շարք հասցեներում էլեկտրաէներգիայի անջատումներ կլինեն
Օլիգարխներից մեկի որսատեղին է եղել․ պետությունը 4-5 հազար հա հող է հետ բերել․ Պապոյան․ ՏԵՍԱՆՅՈՒԹ
Քաղաքականություն
19.10.2026 | 13:22
ՀՀ էկոնոմիկայի նախարար Գևորգ Պապոյանը կարծում է, որ Ամուլսարի հանքի շահագործումն անհրաժեշտ է Հայաստանի տնտեսական զարգացման համար։ Նրա խոսքով՝ հանքարդյունաբերությունը ստեղծում է աշխատատեղեր, ապահովում հարկային եկամուտներ և նպաստում ՀՆԱ-ի ու արտահանման աճին։
Պապոյանի ներկայացմամբ՝ Ամուլսարի հանքում աշխատում է 1600 մարդ, իսկ դրա գործունեության արդյունքում ստեղծվել է մինչև 4000 անուղղակի աշխատատեղ։
Նախարարի խոսքով՝ ոսկու գների պահպանման դեպքում հանքը հաջորդ տարի պետական բյուջե կարող է վճարել մինչև 130 միլիոն դոլարի հարկ՝ ապահովելով ՀՆԱ-ի 1.5–2 տոկոս ազդեցություն։ Անդրադառնալով Ջերմուկի և Սևանի համար հնարավոր բնապահպանական վտանգներին՝ Պապոյանն ասել է, որ ինքը չի կարող երաշխավորել դրանց բացակայությունը, քանի որ, իր խոսքով, դա մասնագետներն են երաշխավորել՝ կատարած հետազոտությունների հիման վրա։
Նախարարը նաև նշել է, որ Հայաստանի տնտեսությունն այլևս անհնար է պատկերացնել առանց Ամուլսարի և Զանգեզուրի պղնձամոլիբդենային կոմբինատի՝ ընդգծելով, որ կառավարությունը նպատակ ունի Հայաստանը դարձնել տնտեսապես ավելի ուժեղ երկիր։
COP17-ի տնտեսական հնարավորությունների մասին խոսելիս Պապոյանը նշել է, որ միջոցառումը բարձրացնում է Հայաստանի միջազգային տեսանելիությունը և կարող է նպաստել զբոսաշրջության աճին։ Նրա խոսքով՝ ակնկալվում է մինչև 10-15 հազար հավելյալ զբոսաշրջիկի այց։
Անդրադառնալով Շիկահողի արգելոցում ադրբեջանցիների կողմից անտառահատումների վերաբերյալ հարցին՝ նախարարը հայտարարել է, որ Կառավարության ուշադրության կենտրոնում է լինելու Հայաստանի՝ 29 743 քառակուսի կիլոմետր տարածքի ներսում տեղի ունեցողը։ Նա նշել է, որ այդ տարածքից դուրս տեղի ունեցողը Հայաստանի Կառավարության ուշադրության կենտրոնում չէ՝ շեշտելով Ադրբեջանի հետ խաղաղության պայմանագիր կնքելու և սահմանազատում ու սահմանագծում իրականացնելու անհրաժեշտությունը։
Մանրամասները՝ տեսանյութում։
Նարեկ Կիրակոսյան
