19.10.2026 | 11:56
Թել Ավիվից Վիեննա թռչող ինքնաթիռն արտակարգ վայրէջք է կատարել Սոֆիայում՝ ռումբի մասին սպառնալիքի պատճառով
«Ուժեղ Հայաստան»-ի հանրահավաքին մասնակցելու համար քաղաքացիներին 15 հազարական դրամ վճարելու գործով նախաքննությունն ավարտվել է
Հասարակություն
19.10.2026 | 10:05
Քննչական կոմիտեն ավարտել է «Ուժեղ Հայաստան» կուսակցության՝ ապրիլի 11-ին Երևանի Ազատության հրապարակում անցկացված հանրահավաքին մասնակցելու համար քաղաքացիներին գումարներ վճարելու դեպքի առթիվ հարուցված քրեական վարույթի նախաքննությունը։ Ըստ ՔԿ-ի՝ Գ.Ա.-ն մի շարք քաղաքացիների խոստացել է 15 հազարական դրամ, իսկ հանրահավաքից հետո վճարել գումարները։ Նրա նկատմամբ հարուցվել է հանրային քրեական հետապնդում, կիրառվել են տնային կալանք, գրավ և բացակայելու արգելք խափանման միջոցները։ Գործի նյութերը մեղադրական եզրակացությամբ ուղարկվել են հսկող դատախազին։
ՔԿ-ի հաղորդագրությունը՝ ստորև․
ՀՀ քննչական կոմիտեի Արմավիրի մարզային քննչական վարչությունում ավարտվել է հանրահավաքի մասնակիցներին նյութապես շահագրգռելու դեպքի առթիվ նախաձեռնված քրեական վարույթի նախաքննությունը:
Մասնավորապես՝ Գ.Ա.-ն մի շարք մտերիմների հայտնել է, որ 2026 թվականի ապրիլի 11-ին Երևանի Ազատության հրապարակում կայանալիք «Ուժեղ Հայաստան» կուսակցության հանրահավաքին մասնակցելու դիմաց յուրաքանչյուրին կվճարվի 15.000-ական ՀՀ դրամ։
Արդյունքում, հանրահավաքի ավարտից հետո Գ.Ա.-ն մի շարք մասնակիցների վճարել է խոստացված գումարները:
Գ.Ա.-ի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 236-րդ հոդվածի 2-րդ մասով (հավաքին մասնակցելու նպատակով նյութապես շահագրգռելը):
Նրա նկատմամբ որպես խափանման միջոց կիրառվել է տնային կալանքը, գրավը և բացակայելու արգելքը:
Քրեական վարույթը մեղադրական եզրակացությամբ ուղարկվել է հսկող դատախազին:
