16.10.2026 | 18:46
«Ռոսատոմ»-ը Հայաստանից դրական ազդակներ է ստանում՝ նոր էներգաբլոկ կառուցելու իր առաջարկի հետ կապված
Բնապահպանությունը ԶՊՄԿ-ի գործունեության կարևորագույն ուղղություններից է. Ռոման Խուդոլի․ ՏԵՍԱՆՅՈՒԹ
Տեսանյութեր
16.10.2026 | 17:12
Բնապահպանությունը, արդյունաբերական և աշխատանքային անվտանգությունը Զանգեզուրի պղնձամոլիբդենային կոմբինատի գործունեության կարևորագույն ուղղություններից են։ Այս մասին «Mining Armenia Forum 2026»-ին հայտարարեց ԶՊՄԿ-ի գործադիր տնօրեն Ռոման Խուդոլին:
«Եթե վերցնեք ԶՊՄԿ-ն, ապա արդյունաբերական անվտանգությունը, աշխատանքային անվտանգությունը և բնապահպանությունը մեր գործունեության կարևորագույն ուղղություններից են։ Դա այդպես է»,- ասաց Խուդոլին։
Անդրադառնալով թափանցիկությանը՝ նա նշեց, որ բնապահպանական գործունեության և դրա հետևանքների վերաբերյալ տեղեկատվությունը պետք է հասանելի լինի հանրությանը։
«Երբ խոսում ենք թափանցիկության մասին, այն պետք է լիակատար լինի, և մենք գնում ենք այդ ուղղությամբ, որպեսզի իրականում բնապահպանական գործունեության մասին ինֆորմացիան կամ դրա հետևանքների մասին ինֆորմացիան լինի բաց»,- նշեց ԶՊՄԿ-ի գործադիր տնօրենը:
Խուդոլին որպես օրինակ մատնանշեց Չինաստանը, որտեղ, նրա խոսքով, բնապահպանական տվյալները, այդ թվում՝ արտանետումների վերաբերյալ տեղեկատվությունը, հասանելի են առցանց՝ իրական ժամանակում։
Նա ընդգծեց, որ բնապահպանական թափանցիկության հարցը կարևոր է, և ոլորտի ներկայացուցիչները պետք է շարունակեն աշխատել այդ ուղղությամբ։
Մանրամասները` տեսանյութում:
Արփի Հակոբյան
