30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Վարչապետի հանձնարարականը ուսումնական տարվան ընդառաջ. չկատարողներին խոստացավ պատժել
Քաղաքականություն
27.07.2017 | 11:33
ՀՀ Կառավարության այսօրվա նիստը մեկնարկեց վարչապետ Կարեն Կարապետյանի հանձնարարականներով, որոնցից առաջինը վերաբերում էր ՀՀ կրթության և գիտության նախարար Լևոն Մկրտչյանին: Կառավարության ղեկավարը ԿԳ նախարարին, ՀՀ մարզպետներին և Երևանի քաղաքապետին հանձնարարեց 2017-2018 թվականների ուսումնական տարվա պատշաճ մեկնարկն ապահովելու նպատակով մինչև 2017 թվականի օգոստոսի 25-ը ապահովել Հանրապետության բոլոր դպրոցներում իրականացվող շինարարական և վերանորոգման աշխատանքների պատշաճ կազմակերպման կատարումն ու ավարտը:
«Աշխատանքները չկատարելու կամ թերի կատարելու դեպքում ապահովել հասցեական խիստ պատժամիջոցների կիրառում: Խնդիրը հասկանալի է, շատ դեպքերում մենք սեպտեմբերի 1-ին, օգոստոսի 31-ին շինարարական աշխատանքներն ավարտում ենք, կենցաղային պայմանները աշխակերտների համար պատշաճ չի, այն, ինչ պլանավորել ենք, հստակ և խիստ ժամկետներին հետևենք»,- ընդգծեց վարչապետը:
Կարեն Կարապետյանը նաև հանձարարեց ձեռնարկել միջոցներ հանրապետության սահմանամերձ բարձր լեռնային համայքների ուսումնական հաստատություններում մասնագիտական առարկաների ուսուցիչներով համալրելու ուղղությամբ:
Շողիկ Գալստյան
