Վաղինակ Մարտիրոսյանը նշանակվել է ՀՀ ՔԿ նախագահի տեղակալ

ՀՀ վարչապետ Նիկոլ Փաշինյանը որոշմամբ՝ Վաղինակ Մարտիրոսյանը նշանակվել է ՀՀ ՔԿ նախագահի տեղակալ: Այս մասին Factor.am–ը տեղեկանում է e-gov.am էլեկտրոնային հարթակից։

«Ղեկավարվելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 4-րդ մասով՝ Վաղինակ Մարտիրոսյանին նշանակել Հայաստանի Հանրապետության քննչական կոմիտեի նախագահի տեղակալ»,- նշված է որոշման մեջ:

Մարտիրոսյանը ՔԿ տնտեսական հանցագործությունների և մաքսանենգությունների քննության գլխավոր վարչության պետն էր։

2023-2025թթ. ՀՀ ՆԳՆ ներքին անվտանգության և հակակոռուպցիոն վարչության պետն է եղել, 2020-2023թթ-ին՝ ՀՀ ոստիկանության ներքին անվտանգության վարչության պետը։

2020թ-ին` ՀՀ ոստիկանության զորքերի հատուկ նշանակության գումարտակի /N զորամաս/ հրամանատարի 1-ին տեղակալ-շտաբի պետ, 2014-2020թթ.` ՀՀ քննչական կոմիտեի Լոռու մարզային քննչական վարչության պետի տեղակալ, 2013-2014թթ.` ՀՀ ոստիկանության քննչական գլխավոր վարչության Լոռու մարզի քննչական բաժնի Վանաձոր քաղաքի Բազումի քննչական բաժանմունքի պետ, 2012-2013թթ.` ՀՀ ոստիկանության քննչական գլխավոր վարչության Լոռու մարզի քննչական բաժնի ՀԿԳ ավագ քննիչ, 2009-2012թթ.` ՀՀ ոստիկանության քննչական գլխավոր վարչության Լոռու մարզի քննչական բաժնի ավագ քննիչ, 2008-2009թթ.` ՀՀ ոստիկանության քննչական գլխավոր վարչության Լոռու մարզի քննչական բաժնի քննիչ, 2006-2008թթ.` ՀՀ ոստիկանության Լոռու մարզային վարչության Վանաձորի բաժնի Բազումի բաժանմունքի պրոֆիլակտիկայի խմբի ոստիկանության տեղամասային տեսուչ։

ՀՀ նախագահի 2021 թվականի համապատասխան հրամանագրով պարգևատրվել է «Հասարակական կարգի գերազանց պահպանման համար» մեդալով։

Անի Թամրազյան