27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Համաշխարհային օլիմպիադա. Հայաստանի հավաքականները հաղթեցին վերջին տուրում
27.09.2026 | 14:38
Հայաստանի հավաքականները հաղթանակ տարան Ուզբեկստանի Սամարղանդ քաղաքում ավարտին մոտեցող շախմատի 46-րդ Համաշխարհային օլիմպիադայի վերջին՝ 11-րդ տուրի պարտիաները։
Հայաստանի հավաքականը 3:1 հաշվով պարտության մատնեց Խորվաթիայի հավաքականին։ Շանթ Սարգսյանը և Մանուել Պետրոսյանը հաղթեցին, իսկ Ռոբերտ Հովհաննիսյանի և Գաբրիել Սարգսյանի մասնակցությամբ պարտիաներն ավարտվեցին ոչ-ոքի։
Հայաստանի հավաքականը 11 տուրերում տարավ 7 հաղթանակ, գրանցեց 3 ոչ-ոքի, կրեց 1 պարտություն և պայքարն ավարտեց 17 թիմային միավոր։
Կանանց Հայաստանի հավաքականը 3:1 հաշվով հաղթեց Ուզբեկստանի թիմին։ Լիլիթ Մկրտչյանը և Մարիամ Մկրտչյանը հասել են հաղթանակի, իսկ Էլինա Դանիելյանը և Սուսաննա Գաբոյանը ոչ-ոքի են խաղացել։
11 տուրերում կանանց Հայաստանի հավաքականը տարել է 8 հաղթանակ, կրել 2 պարտություն, գրանցել 1 ոչ-ոքի և հավաքել է 17 միավոր։
Հայաստանի հավաքականների վերջնական դիրքերը հայտնի կդառնան 11-րդ տուրի բոլոր մրցամարտերի ավարտից հետո։
Դավիթ Եղիազարյան
