26.09.2026 | 12:21
Ադրբեջանի և Հայաստանի միջև դե ֆակտո խաղաղություն է հաստատվել․ Ջեյհուն Բայրամով
Համաշխարհային օլիմպիադա. Հայաստանի հավաքականը կխաղա առաջատարի հետ
26.09.2026 | 11:18
Ուզբեկստանի Սամարղանդ քաղաքում ավարտին մոտեցող շախմատի 46-րդ Համաշխարհային օլիմպիադայում սեպտեմբերի 26-ին կանցկացվեն նախավերջին՝ 10-րդ տուրի պարտիաները:
Հայաստանի հավաքականը կմրցի մրցաշարային աղյուսակը գլխավորող Ուզբեկստանի հավաքականի հետ: Հանդես կգան Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը և Գաբրիել Սարգսյանը:
Հայաստանի հավաքականը 9 տուրերում տարել է 6 հաղթանակ, գրանցել 3 ոչ-ոքի և 15 թիմային միավորով բաժանում է 2-4-րդ տեղերը։ Ուզբեկստանի հավաքականը 16 միավորով առաջատարն է:
Կանանց Հայաստանի հավաքականի մրցակիցը Հունաստանի թիմն է: Պարտիաներ կանցկացնեն Լիլիթ Մկրտչյանը, Մարիամ Մկրտչյանը, Էլինա Դանիելյանը և Սուսաննա Գաբոյանը:
9 տուրերում կանանց Հայաստանի հավաքականը տարել է 7 հաղթանակ, կրել 2 պարտություն և 14 միավորով բաժանում է 5-10-րդ տեղերը։ Առաջատար Չինաստանը հավաքել է 17 միավոր։
Համաշխարհային օլիմպիադան կավարտվի սեպտեմբերի 27-ին: Կանցկացվի 11 տուր:
Դավիթ Եղիազարյան
