Թուրքիայում հարցվածների 24,9 տոկոսն Ադրբեջանը համարել է թշնամի երկիր

Թուրքական ASAL հետազոտական և խորհրդատվական ընկերության կողմից իրականացված «Թուրքիայի քաղաքական օրակարգ» հետազոտության արդյունքներն են հրապարակվել։ 2026 թվականի օգոստոսի 5-10-ն ընկած ժամանակահատվածում 26 նահանգներում անցկացված հարցմանը մասնակցել է 18 և բարձր տարիքի 2 հազար մարդ։ Հետազոտության նպատակն է եղել չափել հասարակության վերաբերմունքը միջազգային հարաբերություններին։

Մասնակիցներին առաջարկվել է երկրները գնահատել «բարեկամ», «թշնամի» կամ «կարծիք չունեմ/պատասխան չկա» տարբերակներով։

Հետազոտության տվյալներով՝ քաղաքացիների ամենաբարձր տոկոսը՝ 56,5%-ը, Ադրբեջանը բնորոշել է որպես «բարեկամ» երկիր։ Ուշագրավ է, որ  հաշվի առնելով Ադրբեջան-Թուրքիա հարաբերությունների բնույթը՝ հարցվածների շրջանում  բավական բարձր է թշնամի համարողների թիվը՝ 24,9 տոկոս։ Ադրբեջանին հաջորդում է Ճապոնիան՝ 50,2%-ով, երրորդ տեղում Չինաստանն է՝ 48,0%-ով։

Հարցվածների պատասխանները բաշխվել են հետևյալ կերպ՝

• Ադրբեջան՝ 56,5%՝ «բարեկամ», 24,9%՝ «թշնամի», 18,6%՝ «կարծիք չունեմ/չեմ պատասխանում»
• Ճապոնիա՝ 50,2%՝ «բարեկամ», 37,0%՝ «թշնամի», 12,8%՝ «կարծիք չունեմ/չեմ պատասխանում»
• Չինաստան՝ 48,0%՝ «բարեկամ», 42,6%՝ «թշնամի», 9,4%՝ «կարծիք չունեմ/չեմ պատասխանում»
• Իտալիա՝ 46,7%՝ «բարեկամ», 37,1%՝ «թշնամի», 16,2%՝ «կարծիք չունեմ/չեմ պատասխանում»
• Գերմանիա՝ 45,3%՝ «բարեկամ», 42,4%՝ «թշնամի», 12,3%՝ «կարծիք չունեմ/չեմ պատասխանում»
• Իրան՝ 39,0%՝ «բարեկամ», 41,9%՝ «թշնամի», 19,1%՝ «կարծիք չունեմ/չեմ պատասխանում»
• Ռուսաստան՝ 38,4%՝ «բարեկամ», 42,0%՝ «թշնամի», 19,6%՝ «կարծիք չունեմ/չեմ պատասխանում»
• Ֆրանսիա՝ 22,0%՝ «բարեկամ», 58,5%՝ «թշնամի», 19,5%՝ «կարծիք չունեմ/չեմ պատասխանում»
• Հունաստան՝ 20,6%՝ «բարեկամ», 66,6%՝ «թշնամի», 12,8%՝ «կարծիք չունեմ/չեմ պատասխանում»
• ԱՄՆ՝ 16,0%՝ «բարեկամ», 70,5%՝ «թշնամի», 13,5%՝ «կարծիք չունեմ/չեմ պատասխանում»
• Իսրայել՝ 5,2%՝ «բարեկամ», 84,0%՝ «թշնամի», 10,8%՝ «կարծիք չունեմ/չեմ պատասխանում»։

Թարգմանությունը՝ Էմմա  Չոբանյանի