06.11.2026 | 19:30
Ո՞վ առաջինը հարվածեց, ովքե՞ր էին բաժանում․ ԱԺ-ի ծեծկռտուքը՝ վայրկյան առ վայրկյան․ ՏԵՍԱՆՅՈՒԹ
Քաղցրաշենի մանկապարտեզի շենքում օձ է նկատվել․ երեխաներին տարհանել են
16.09.2026 | 16:54
Արարատի մարզի Քաղցրաշեն բնակավայրի մանկապարտեզում սեպտեմբերի 16-ին օձ է նկատվել։
«Երեխաներին տարհանել ենք, ԱԻՆ ենք զանգահարել, սակայն օձին չեն հայտնաբերել։ Այժմ այդ ուղղությամբ աշխատանքներ են տարվում»,- Factor.am-ի հետ զրույցում ասաց Քաղցրաշեն վարչական շրջանի ղեկավար Աշոտ Խալաթյանը։
Նրա խոսքով՝ օձը նկատվել է մանկապարտեզի դահլիճում։ Դեպքի վայր ժամանած փրկարարները սկսել են օձի որոնման աշխատանքները։
Խալաթյանի փոխանցմամբ՝ մանկապարտեզը ժամանակավորապես փակվել է և առաջիկա երկու օրերին չի գործելու։
Համացանցում տարածվում է տեղեկություն, թե մանկապարտեզում աշխատակիցները հինգ օձ են նկատել։ Սակայն վարչական շրջանի ղեկավարը հերքեց այդ տեղեկությունը՝ նշելով, որ խոսքը մեկ փոքր օձի մասին է։
Նա նաև նշեց, որ մանկապարտեզում առաջին անգամ օձ նկատվել է երկու օր առաջ, ինչից հետո կրկին դիմել էին Փրկարար ծառայություն։
Անի Թամրազյան
Լուսանկարը՝ shamshyan.com-ի
