20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Ասում են՝ ապօրինի ա, ուզում են քանդեն, 30 տարի ապրում եմ էս տնակում. բնակիչ․ ՏԵՍԱՆՅՈՒԹ
Հասարակություն
31.08.2026 | 16:16
Երևանի Շիրակի 49 հասցեում լարված իրավիճակ է ստեղծվել ապօրինի շինությունների ապամոնտաժման դեպքի պատճառով։ Քաղաքապետարանի աշխատակիցները, անօրինական ճանաչելով տարածքում գտնվող տնակներն ու կառույցները, փորձել են քանդել դրանք, ինչն առաջացրել է տեղի բնակիչների դիմադրությունը։
Factor TV-ի հետ զրույցում տնակներից մեկի բնակչուհին պատմել է, որ այդ վայրում ապրում է շուրջ 30 տարի և երբեք ապրելու հետ կապված խնդիր չի առաջացել։
«Կամաց-կամաց «Կարմիր խաչը» ինձ օգնել ա, ես կարողացել եմ երկու հատ սենյակ սարքեմ, որպեսզի ջուր չկաթա իմ երեխեքիս վրա։ Ինչի՞ համար քանդեք։ Ես հաշմանդամ, էն երեխեն հիվանդ, էդ վիճակով, էս երեխես հիվանդ՝ բանակ չգնաց, խնդիրներով ազատվեց, էն երեխես էլ դիրքերում»,- ասաց բնակչուհին։
Քանդման աշխատանքների ընթացքում քաշքշուկ և բախում է տեղի ունեցել․ բնակիչները փորձել են խոչընդոտել իրենց կացարանների ապամոնտաժմանը, ինչի հետևանքով նրանցից երկուսը բերման են ենթարկել։
Բնակչի խոսքով՝ իրենց պատշաճ կերպով չեն ծանուցել, որևէ այլընտրանքային կացարան չեն առաջարկել, և այժմ սպասում է քաղաքապետարանին ուղղված իր դիմումի պաշտոնական պատասխանին։
Նրա պնդմամբ՝ ընտանիքների անդամների մեծ մասն ունի հաշմանդամության կարգ և առողջական լուրջ խնդիրներ։
Մանրամասները՝ տեսանյութում։
Անի Թամրազյան
