20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
956 հազար եվրոյի մաքսանենգության գործով նախաքննությունն ավարտվել է․ ՔԿ
Հասարակություն
28.08.2026 | 13:58
ՀՀ քննչական կոմիտեն ավարտել է 956 հազար 400 եվրոյի մաքսանենգության վերաբերյալ քրեական վարույթի նախաքննությունը։
Ըստ ՔԿ-ի՝ 2026 թվականի մայիսի 30-ին Նիդերլանդների քաղաքացի Ս․Ն․-ն և ՀՀ քաղաքացի Մ․Ն․-ն Գերմանիայից Հայաստան են տեղափոխել 956 հազար 400 եվրո կանխիկ գումար՝ առանց այն մաքսային հայտարարագրում նշելու։ Նշվում է, որ գումարը փաթեթավորված է եղել անվանական ծրարներով և թաքցված էր նրանց ուղեբեռում՝ հագուստների տարբեր հատվածներում։
Մաքսային զննության ընթացքում ՊԵԿ աշխատակիցները հայտնաբերել և առգրավել են ամբողջ գումարը, որը համարժեք է 397 մլն 156 հազար 944 դրամի։
Երկու անձանց նկատմամբ հարուցվել է հանրային քրեական հետապնդում՝ մի խումբ անձանց կողմից նախնական համաձայնությամբ առանձնապես խոշոր չափերով կանխիկ դրամական միջոցների մաքսանենգության համար։
Նրանցից մեկը կալանավորվել է, մյուսի նկատմամբ կիրառվել է վարչական հսկողություն։
Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և դատարան ուղարկելու միջնորդությամբ։
