11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Ռոդրի. ««Բարսելոնայում» խաղալը երազանք է». ՏԵՍԱՆՅՈՒԹ
18.08.2026 | 10:52
Անգլիական «Մանչեսթեր Սիթիի» իսպանացի կիսապաշտպան Ռոդրին ժամանել է Կատալոնիա և բուժզննում անցնելուց հետո պայմանագիր կկնքի «Բարսելոնայի» հետ:
Աշխարհի նորընծա չեմպիոն Իսպանիայի հավաքականի 30-ամյա ֆուտբոլիստը պատմել է տպավորությունների մասին:
«Ես երջանիկ եմ։ Վերջին մի քանի օրերը շատ լարված էին, բայց ես ուրախ եմ, որ ամեն ինչ ավարտվեց։ «Բարսելոնայում» խաղալը երազանք է։ Շատ եմ ցանկանում միանալ նոր ակումբակիցներիս, որոնցից շատերին վաղուց գիտեմ։ Կպայքարենք բոլոր տիտղոսների համար»,- 2024 թ. «Ոսկե գնդակի» դափնեկրի խոսքը մեջբերում է Mundo Deportivo-ն։
Իսպանական մամուլի համաձայն, տրանսֆերի արժեքը կազմելու է 76,5 միլիոն եվրո:
Ռոդրին 2019 թվականին Մադրիդի «Աթլետիկոյից» է տեղափոխվել «Մանչեսթեր Սիթի», որի հետ պայմանագիր ունի մինչև 2027 թվականի հունիսի 30-ը։ Անգլիական ակումբի կազմում կիսապաշտպանն անցկացրել է 298 հանդիպում, դարձել 28 գոլի ու 32 գոլային փոխանցման հեղինակ։ ԱՄՆ-ում, Կանադայում և Մեքսիկայում կայացած աշխարհի առաջնության եզրափակիչից հետո նա ստացել էր մրցաշարի լավագույն ֆուտբոլիստի մրցանակը: Transfermarkt 55 միլիոն եվրո է գնահատում նրա տրանսֆերային արժեքը:
