14.08.2026 | 17:55
ԵՄ-ից անսարք մեքենաների արտահանումը կարգելվի․ խստացումներն ուժի մեջ կմտնեն աստիճանաբար
Նազիկ Ամիրյանի վարձակալության իրավունքն է դադարեցվել Սևանա լճի ափամերձ հողամասի նկատմամբ. Դատախազություն
Հասարակություն
14.08.2026 | 15:09
Սևանա լճի ափամերձ տարածքում գտնվող 0.3 հա հողատարածքի նկատմամբ գեներալ Մանվել Գրիգորյանի կնոջ՝ Նազիկ Ամիրյանի վարձակալության իրավունքը դադարեցվել է, իսկ տարածքը վերադարձվել է Հայաստանի Հանրապետության տիրապետմանը։ Այս մասին հայտնում է ՀՀ դատախազությունը։
Դատախազությունը 2026 թվականի մայիսի 12-ին հայտնել էր, որ Գլխավոր դատախազության պետական շահերի պաշտպանության վարչությունը միջնորդագիր էր հասցեագրել «Սևան» ազգային պարկ» ՊՈԱԿ-ի տնօրենին և Շրջակա միջավայրի նախարարության գլխավոր քարտուղարին՝ ՊՈԱԿ-ի և Նազիկ Ամիրյանի միջև 2007 թվականի դեկտեմբերի 26-ին կնքված՝ Սևանա լճի ափամերձ տարածքում գտնվող հողամասի վարձակալության պայմանագիրը լուծելու ուղղությամբ միջոցներ ձեռնարկելու վերաբերյալ։
Դատախազության միջնորդագրի կատարման արդյունքում՝ օգոստոսի 13-ին, Կադաստրի կոմիտեում դադարեցվել է Նազիկ Ամիրյանի վարձակալության իրավունքը։
Խոսքը Սևանա լճի ափամերձ տարածքում գտնվող 0.3 հա մակերեսով հողամասի մասին է, որի շուկայականին մոտարկված կադաստրային արժեքը կազմում է 20 միլիոն 502 հազար դրամ։
Հողատարածքը վերադարձվել է Հայաստանի Հանրապետության տիրապետմանը։
