07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
«Ռուսալկա» ապրանքանիշով զովացուցիչ ըմպելիքի արտադրամասի գործունեությունը կասեցվել է
Հասարակություն
07.08.2026 | 17:41
Սննդամթերքի անվտանգության տեսչական մարմինը կասեցրել է անհատ ձեռնարկատեր Սարգիս Գևորգյանին պատկանող գազավորված զովացուցիչ ըմպելիքի արտադրամասի արտադրական գործունեությունը։
Արտադրամասը գործում է Արագածոտնի մարզի Աշտարակ քաղաքում և արտադրում է «Ռուսալկա» ապրանքանիշի զովացուցիչ ըմպելիքներ։
Տեսչական մարմնի որոշման հիմքում հայտնաբերված սանիտարահիգիենիկ նորմերի խախտումներն են։ Ստուգման ընթացքում արձանագրվել է, որ արտադրական տարածքների կառուցվածքը և պայմանները չեն ապահովել սննդամթերքի աղտոտման կանխարգելման պահանջները։
Մասնավորապես, հայտնաբերվել են արտադրական շինությունների, հատակների, դռների և առաստաղների անհամապատասխանություններ, ինչպես նաև մաքրման, ախտահանման, միջատազերծման և կրծողների դեմ պայքարի գործընթացների ոչ պատշաճ կազմակերպում։
Բացի այդ, սննդամթերքի հետ անմիջական շփման մեջ գտնվող սարքավորումները, գործիքները և տարաները չեն համապատասխանել հիգիենիկ պահանջներին և չեն գտնվել պատշաճ վիճակում։
Տեսչական մարմինը սահմանել է ժամկետ՝ արձանագրված խախտումները վերացնելու համար։
