Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոյի շուրջ ստեղծված սկանդալի ֆոնին հայտնի են դարձել նրան հնարավոր փոխարինողի գլխավոր հավակնորդները։
Սպասվում էր, որ 56-ամյա Ինֆանտինոն առանց խնդիրների վերընտրվելու է պաշտոնում, սակայն վերջին իրադարձությունները խիստ նվազեցրել են շվեյցարացի պաշտոնյայի շանսերը։
Reuters-ի համաձայն՝ ՖԻՖԱ-ի նախագահ պաշտոնում արդեն կա հինգ հիմնական թեկնածու։ Խոսքը ՈՒԵՖԱ-ի նախագահ Ալեքսանդր Չեֆերինի, ԿՕՆԿԱԿԱՖ-ի նախագահ Վիկտոր Մոնտալյանիի, Ասիայի ֆուտբոլային կոնֆեդերացիայի ղեկավար Սալման Բին Իբրահիմի, Նորվեգիայի ֆուտբոլի ֆեդերացիայի նախագահ Լիսե Կլավենեսի ու Չեմպիոնների լիգայի գավաթակիր ֆրանսիական ՊՍԺ-ի սեփականատեր Նասեր Ալ-Հելաիֆիի մասին է։
Հիշեցնենք, որ ՖԻՖԱ-ի նախագահի շուրջ մեծ աղմուկ էր բարձրացել այն բանից հետո, երբ կազմակերպությունը հայտարարել էր աշխարհի առաջնության սեփականության իրավունքը մասնավոր ներդրողներին վաճառելու մտադրության մասին: ՖԻՖԱ-ի աղմկահարույց գաղփարին արձագանքել էր նաև ՈՒԵՖԱ-ն՝ նշելով, որ իր անդամ ասոցիացիաները չեն մասնակցի ՖԻՖԱ-ի մրցաշարերին, մինչև կազմակերպությունը չվերանայի իր որոշումը:
ՖԻՖԱ-ի նախագահի ընտրությունները կկայանան 2027թ. մարտին Մարոկկոյում:
