05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Զելենսկին հաստատել է Wildberries-ի պահեստների վրա հարձակումը՝ հայտարարելով, որ դրանք «ներգրավված են ռուսական բանակի մատակարարումների գործում»
Քաղաքականություն
22.07.2026 | 13:45
Ուկրաինայի նախագահ Վլադիմիրն Զելենսկին հաստատել է Wildberries-ի պահեստների վրա հարձակումը, հայտնում է BBC-ի ռուսական ծառայությունը։
Նա տելեգրամում գրել է, որ Կրասնոդարի և Ստավրոպոլի երկրամասերում «երկարաժամկետ պատժամիջոցները» հաջողությամբ թիրախավորել են «լոգիստիկ կենտրոնները, որոնք ներգրավված են ռուսական բանակին անօդաչու թռչող սարքերի բաղադրիչներով, նավիգացիոն սարքերով և այլ սարքավորումներով մատակարարելու մեջ»։
Զելենսկին նաև հայտարարել է, որ հարված է հասցվել «մեկ այլ նավթաբազայի», ինչպես նաև ռուսական ստվերային նավատորմին պատկանող մեկ լցանավի և չորս բեռնատար նավերի։
Ռուսաստանի իշխանությունների տվյալներով՝ Նևինոմիսկում (Ստավրոպոլի երկրամաս) պահեստային համալիրի վրա հարձակման հետևանքով վիրավորվել է հինգ մարդ, իսկ Կրասնոդարում՝ տասը։ Հարվածներն ուղղված են եղել Wildberries-ի լոգիստիկ կենտրոններին, հաստատել է ընկերության ղեկավար Տատյանա Կիմը։
Արմավիրում (Կրասնոդարի երկրամաս) նավթաբազայի վրա հարձակման հետևանքով մեկ աշխատակից զոհվել է, հայտնել է նահանգապետ Վենիամին Կոնդրատևը։
Թարգմանությունը՝ Էմմա Չոբանյանի
Ուկրաինական ԱԹՍ-ները հարվածել են Wildberries-ի պահեստների վրա Կրասնոդարում և Ստավրոպոլում․ ՏԵՍԱՆՅՈՒԹ
