21.07.2026 | 20:20
Deutsche Welle-ն վրացերեն նոր լրագրողական նախագիծ է գործարկում․ ԵՄ-ն կաջակցի նաև հայերեն և ադրբեջաներեն հարթակների ստեղծմանը
«Արարատցեմենտ»-ը հանձնվել է պետության կառավարմանը
Հասարակություն
21.07.2026 | 09:31
Հակակոռուպցիոն դատարանի որոշմամբ՝ Գլխավոր դատախազության միջնորդության հիման վրա, «Արարատցեմենտ» ընկերությունը հանձնվել է Հայաստանի Հանրապետության կառավարմանը՝ ի դեմս Էկոնոմիկայի նախարարության։ Ընկերության կառավարիչը նախատեսվում է նշանակել հուլիսին։
«Հակակոռուպցիոն դատարանի որոշմամբ, Գլխավոր դատախազության միջնորդության հիման վրա, «Արարատցեմենտ»-ը հանձնվել է ՀՀ կառավարմանը՝ ի դեմս էկոնոմիկայի նախարարության։
Հուլիս ամսվա ընթացքում, սահմանված կարգով, կնշանակվի «Արարատցեմենտի» կառավարիչը։
Մինչ այդ ընկերության բոլոր աշխատակիցներին հորդորում եմ բարեխղճորեն և պատասխանատվությամբ կատարել իրենց աշխատանքը, որպեսզի հետագայում չառաջանան օրենքով սահմանված կարգով աշխատանքից ազատման կամ վարչական ու քրեական պատասխանատվության ենթարկման հիմքեր։
Իրենց գործի գիտակ, աշխատանքը բարեխիղճ ու պարտաճանաչ կատարող բոլոր աշխատակիցները կշարունակեն աշխատել»,- ֆեյսբուքյան իր էջւմ գրել է ՀՀ էկոնոմիկայի նախարար Գևորգ Պապոյանը։
Հիշեցնենք, որ Գլխավոր դատախազությունը Հակակոռուպցիոն դատարան էր ներկայացրել ապօրինի ծագում ունեցող գույքի բռնագանձման հայց՝ պահանջելով պետության օգտին բռնագանձել Գագիկ Ծառուկյանին և նրա հետ փոխկապակցված անձանց վերագրվող մի շարք ակտիվներ, այդ թվում՝ «Արարատցեմենտ» ԲԲԸ-ի բաժնետոմսերը։ Գործի քննությունը շարունակվում է Հակակոռուպցիոն դատարանում։
