05.09.2026 | 16:58
Վանաձորում, Ալավերդիում և Հրազդանում օդում փոշու պարունակությունը գերազանցել է թույլատրելի սահմանը
Արեգնազ Մանուկյանի կալանքի դեմ վերաքննիչ բողոք է ներկայացվել
Հասարակություն
20.07.2026 | 18:09
«Մայր Հայաստան» կուսակցության վարչության անդամ Արեգնազ Մանուկյանի փաստաբանական թիմը բողոք է ներկայացրել Վերաքննիչ քրեական դատարան՝ ընդդեմ առաջին ատյանի դատարանի կողմից կիրառված երկամսյա կալանքի որոշման: Այս մասին Factor TV-ն տեղեկանում է կուսակցության ֆեյսբուքյան էջում հրապարակված գրառումից։
Հիշեցնենք՝ հուլիսի 9-ի առավոտյան քննիչները Մանուկյանի բնակարանում խուզարկություն էին իրականացրել։ Նա սկզբից ձերբակալվել էր, ինչից հետո նրան մեղադրանք էր առաջադրվել Քրեական օրենսգրքի 427-րդ հոդվածի 1-ին մասով (պետական գաղտնիք պարունակող տեղեկություններ հրապարակելը):
Նույն օրը երեկոյան քաղաքական գործիչը կալանավորվել էր։ Նա խնամքին անչափահաս երեխա ունի, որի հետ տեսակցությունից զրկված է։ Մանուկյանի մեղադրանքն առնչվում է պետական դավաճանության և լրտեսության մեջ մեղադրվող «Մայր Հայաստան» կուսակցության առաջնորդ Անդրանիկ Թևանյանի գործին։
Պաշտպանական թիմը պնդում է, որ Արեգնազ Մանուկյանի մեղադրանքը կառուցված է ոչ թե փաստերի, այլ ենթադրությունների վրա։
