09.07.2026 | 14:22
Էդ պրանկերները թող մի հատ էլ Կտրիճ Ներսիսյանի անունից զանգեն խոսան այդ պաշտոնյաների հետ. Փաշինյան․ ՏԵՍԱՆՅՈՒԹ
Կիևյան կամուրջը կբացվի օգոստոսի 15-ին․ ՏԵՍԱՆՅՈՒԹ
Հասարակություն
09.07.2026 | 12:34
Երևանի քաղաքապետարանից հայտնում են, որ Հրազդանի մեծ կամ, առավել հայտնի, Կիևյան կամրջի հիմնանորոգումը շարունակվում է։
«Ծրագրի շրջանակում իրականացվում են կամրջի երթևեկելի մասի և հետիոտնային հատվածների վերականգնման, դեֆորմացիոն կարերի ու ջրահեռացման համակարգի նորացման, ինչպես նաև ջրամեկուսացման աշխատանքներ։ Բացի այդ, թարմացվելու են կամրջի բազրիքները, վերականգնվելու են նաև թռիչքային կառուցվածքներն ու հենարանները։
Արտաքին լուսավորության հաղորդալարերն ամբողջությամբ կանցկացվեն ստորգետնյա ճանապարհով։
Աշխատանքների արդյունավետ ընթացքի շնորհիվ՝ կամրջի վերգետնյա հիմնանորոգումը կավարտվի նախատեսված ժամկետից մի քանի օր շուտ։ Կամուրջը երթևեկության համար կբացվի օգոստոսի 15-ին՝ նախատեսված օգոստոսի 29-ի փոխարեն, իսկ վերջնական հիմնանորոգումը կավարտվի մինչև տարեվերջ»,- ասված է հաղորդագրւթյունում։
