22.10.2026 | 11:24
ԱՄՆ-ն իր դիվանագետներին հրահանգել է լքել Սաուդյան Արաբիան՝ հութիների հարձակումների ֆոնին
Ուժեղ քամին հենասյուներ է վնասել Արմավիրի մարզում․ մի շարք բնակավայրեր հոսանքազրկվել են
Հասարակություն
07.07.2026 | 00:39
«Հայաստանի էլեկտրական ցանցեր» ընկերությունը տեղեկացնում է, որ Արմավիրի մարզում ուժեղ քամու հետևանքով վնասվել են 10 կՎ օդային գծերի 16-18 հենասյուներ, որի հետևանքով մի շարք բնակավայրերում հոսանքազրկումներ են։
«Այս պահին հոսանքազուրկ են՝
• գ. Երասխահունը՝ ամբողջությամբ (շուրջ 180 բնակիչ),
• գ. Վարդանաշենը՝ մասնակի (մոտ 90 բնակիչ),
• գ. Զարթոնքը՝ մասնակի (շուրջ 220 բնակիչ)։
Բացի այդ, հոսանքազուրկ է նաև Արմավիր քաղաքի մի մասը։
Վթարավերականգնողական աշխատանքների արդյունքում արդեն վերականգնվել է էլեկտրամատակարարումը հետևյալ բնակավայրերում՝
• գ. Բամբակաշատ,
• գ. Արմավիր,
• գ. Ջանֆիդա,
• գ. Փշատավան,
• գ. Արգավանդ,
• գ. Արազափ։
Ընկերության հերթապահ բրիգադներն այս պահին շարունակում են վթարավերականգնողական աշխատանքները՝ էլեկտրամատակարարումը հնարավորինս սեղմ ժամկետներում ամբողջությամբ վերականգնելու նպատակով»,- ասվում է հաղորդագրությունում։
